Монголбанкны Ерөнхийлөгчийн шийдвэрээр 2021 оны нэгдүгээр сарын 17-ны өдөр МБ/202101017 дугаартай, 300,000,000 төгрөгийн фитнессийн тоног төхөөрөмж худалдан авах тендер зарласан нь олон нийтийн шүүмжлэлийг дагуулаад байна.

Коронавирусийн цар тахлыг дотооддоо алдсантай холбоотойгоор улс орон даяар санхүүгийн хямралд ороод байхад Монгол Улсын төв банк нь 13 нэр төрлийн фитнессийн хэдхэн тоног төхөөрөмжийг 300,000,000 төгрөгөөр худалдан авна хэмээн хэт үрэлгэн басхүү ойворгон зан гаргасан байх юм.

Монголбанкныхан уг тендерийг зарлахдаа дэлхийд хамгийн нэртэй бас үнэтэй гэгддэг Канадын Матрикс, Европын Зива зэрэгтэй дүйхүүц бүтээгдэхүүнийг нэр зааж өгсөн нь гал дээр тос нэмсэн үйлдэл болоод байна.

Ингээд Монголбанк төсвийн 300,000,000 төгрөгөөр чухам бараа бүтээгдэхүүн авахаар зарласныг доорх зургаас харна уу.

Эх сурвалж: https://www.tender.gov.mn/mn/invitation/detail/1611281938572

---