Туркийн Трабзон хотын эмнэлэгт хэвтэж байгаа эзнээ өдөр бүр эргэдэг нохойг Бонжук буюу Шарик гэдэг. Тэр эзнээ эргэж тойрч, эмнэлгийн гадна хүлээсээр нилээд олон хоногийн хугацаа өнгөрчээ.

Бонжукийн эзэн Жемал Сентюрк нэгдүгээр сарын 14-ний өдөр Хар тэнгисийн Трабзон хотын эмнэлэгт хэвтсэн байна. Түүний бие муудахад түргэн тусламжийн машинаар хүргэж иржээ.

Энэ өдрөөс хойш Шарик өдөр бүр эмнэлгийн гадаа ирдэг болсон бөгөөд Сентюркийн охин Айнур нохойгоо өдөр бүр гэртээ аваачиж үлдээдэг ч тэр буцаад л ирдэг байна.

Эмнэлгийн хамгаалалтын ажилтан Мухаммет Акдениз “тэр өдөр бүр өглөө 09 цагийн үед ирдэг. Тэгээд шөнө дунд болтол эмнэлгийн гадаа хүлээдэг” хэмээн ярьжээ.

Энэ долоо хоногийн лхагва гарагт Сентюрк тэргэнцэртэй эмнэлгээс гарч гэртээ харих болсноор тэд эцэст нь уулзсан байна. Тэр ч бас нохойгоо маш их санасан тухайгаа ярьжээ.

Эх сурвалж: The Guardian

---