Яг одоо МАН-ын Удирдах зөвлөл хуралдаж байгаа ажээ. Улмаар 11:00 цагт Бага хурлаа цахимаар хуралдуулах тов гарчээ. Удирдах зөвлөл болон Бага хурлаас Ерөнхий сайдын нэрийг тодруулна.

Өчигдөр/2020.01.21/ УИХ-ын нэгдсэн чуулганаар Засгийн газрыг бүрэн бүрэлдэхүүнээр огцруулсан. Засгийн газар огцорсноос хойш 30 хоногт багтаан дараагийн Засгийн газрыг бүрдүүлэх ёстой. Харин Ерөнхий сайд асан У.Хүрэлсүхийн хувьд маш ойрын хугацаанд, яаралтайгаар дараагийн засгийг бүрдүүлнэ гэдгээ онцолсон юм. Тиймээс МАН Бага хурлаа хуралдуулж Ерөнхий сайдын нэрийг тодруулна.

Ингээд шинэ Ерөнхий сайдын нэрийг УИХ-ын дарга Г.Занданшатар Ерөнхийлөгч Х.Баттулгатай зөвшилцөнө. Харин шинээр томилогдсон Ерөнхий сайд танхимаа өөрөө бүрдүүлнэ. 

---