Энэтхэгийн Гужарат мужид мягмар гарагийн өглөө зам тээврийн осол гарч 10 гаруй цагаач иргэн амь насаа алджээ.

Гужарат мужид ачааны автомашины жолооч хяналтаа алдаж, трактортой мөргөлдсөн байна. Улмаар авто замын хажууд явган хүний зам дээр унтаж байсан 16 цагаач иргэнийг дайрч амь насыг нь хороожээ.

Уг ослын улмаас зургаан хүн хүнд бэртсэн байна. Энэтхэгийн Ерөнхий сайд Нарендра Моди Гужарат мужийн Сурат хотод болсон ослын талаар албан ёсны Твиттер хаягаараа жиргэж, гүн эмгэнэл илэрхийлжээ.

Холбогдох албаны хүмүүс ослыг мөрдөн шалгаж байгаа бөгөөд хүндээр гэмтэж бэртсэн иргэдийг орон нутгийн эмнэлэгт хүргэсэн байна. Энэтхэгт цагаач иргэд замын хажууд унтах нь ховор үзэгдэл биш юм. Тэд замын хажууд амарч унтаж байгаад аваар осолд орох нь олон ажээ.

Эх сурвалж: ВВС  

---