ЭМЯ-аас коронавирусийн халдварын нөхцөл байдлын талаарх ээлжит мэдээллээ хүргэлээ.

ХӨСҮТ-ийн Тандалт судалгааны албаны дарга А.Амбасэлмаа:

-Өчигдөр буюу энэ сарын 18-ны өдөр улсын хэмжээнд нийт 17646 хүн шинжилгээ хийсэн. Үүнээс 10 хүнээс коронавирусийн халдвар илэрсэн байна. Дээрх 10 хүн бүгд Улаанбаатар хотоос илэрсэн. Ингэснээр Улаанбаатар хотод нийт 709 хүн халдвар авсан байна. Харин улсын хэмжээнд 1035 халдвар кластр голомтод бүртгэгдсэн. Зөөвөрлөгдөн орж ирсэнтэйгээ нийлээд нийт 1536 хүн халдвар аваад байна.

Нийт 530 хүнийг эмжчилж байна. Биеийн байдал маш хүнд хоёр, хүнд 10, хүндэвтэр 40, хөнгөн 478 хүн байна.  

ЭМЯ-ны албаны дарга Д.Нарангэрэл:

-Коронавирусийн халдвар тархалт 35 хувиар буурах хандлагатай гэж тооцоолж байна. Сүүлийн 24-48 хоногийн дотор халдвартай байсан аймгуудад халдвар шинээр бүртгэгдээгүй. Нийслэлд бүртгэгдсэн 10 голомтоос гурав нь л идэвхитэй байна.

Гэхдээ сүүлийн үед хүмүүсийн бөөгнөрөл нэмэгдэх хандлагатай байна. Энэ нь халдвар нэмэгдэх эрсдэлтэй юм. Мөн цагаан сар тэмдэглэхтэй холбоотой зар сурталчилгаа явуулах, хөдөө орон нутгаас цагаан сарын бэлтгэл хийхээр Улаанбаатар хотруу ирэх, Улаанбаатарын халдвартай бүсээс эрүүл бүсүүд рүү явах иргэдийн хөдөлгөөн нэмэгдэх хандлагатай байна. Иймд иргэд халдвар гарах, тархах эрсдэл өндөртэйг бодолцож, бөөгнөрөл үүсгэхгүй байх, халдвар хамгаалалтын дэглэмээ сайтар мөрдөх, УОК-оос өгч буй зөвлөмжийг мөрдөхийг уриалж байна.

Манай улсад яг хэдэн хүн халвараар нас бараад байна. Шалтгаан нь юу байна?

-Ер нь дэлхий нийтэд нас барж буй хүмүүс нэгдүгээрт 60-аас дээш настай байна. Хоёрдугаарт архаг, хууч өвчтэй хүмүүс байна. Мөн даралт ихтэй, сахарны өвчтэй, зүрх, судасны өвчтэй гэх мэт эмгэг, хуучтай хүмүүс байна. 

 

---