АНУ-ын Массачусетс мужид 19 дүгээр зуунд гарсан аймшигт хүн амины хэрэг одоо ч мартагдалгүй ул мөрөө үлдээсэн байдаг. 1892 оны наймдугаар сарын 4-ний өдөр эхнэр нөхөр Эндрю Борден болон Эбби Борден нар тус бүр 10 гаруй даа сүхээр цавчуулсан байдалтай гэрээсээ олдож байжээ.

Тэдний цогцос олдсон байшин өдгөө охин Лиззи Бордены нэрээр ор, өглөөний цайны музей болон үлджээ. 1892 оны гарсан аймшигт аллагын гэмт хэрэгт Лиззи Борденыг холбон буруутгаж, төрсөн эцэг болон хойд эхийнхээ амь насыг хэрцгийгээр хороосон гэж яллаж байсан ч хожим гэм буруугүй хэмээн цагаатгасан байдаг.

19 дүгээр зууны дуулиант хүн амины хэргүүдийн нэг одоо ч тайлагдашгүй хэвээр үлдсэн. Уг байшинг эзэмшигчид музей болгон ашиглаж байсан ч тэтгэвэртээ гарч амрахыг хүссэн тул зарахаар шийджээ. Аллагын гэмт хэрэг гарсан ч тухайн цаг үеийн өнгө төрх, чимэглэл, тавилга сэлтийг чамин дэгжин хэвээр нь хадгалж ирсэн байшин хоёр сая ам.долларын үнээр зарагдсан байна.  

Фолл Риверт байрлах найман унтлагын өрөөтэй уг байшинг 1845 онд барьсан ба Эндрю Борден 1870-аад оны үед худалдаж авч байжээ.

Эх сурвалж: CNN

---