АНУ-ын Теннесси мужийн нийслэл Нэшвиль хотын Grand Hyatt зочид буудлын дээвэр дээрээс хоёр эрэгтэй шүхэртэй үсэрсэн байна. Нэгдүгээр сарын нэгний өдөр болсон энэ явдал ойр орчимд байсан иргэдийг гүн цочролд оруулсан гэж цагдаагийн газраас мэдээлжээ.

Зочид буудлын хамгаалалтын албанаас баасан гарагийн орой хоёр эрэгтэй 25 дугаар давхарт гарч, дээврийн баарны тагтан дээрээс үсэрсэн гэж мэдээлэв. Эрэгтэйчүүдийг үсрэхэд бааранд байсан хүмүүс сандралджээ. Тэд шүхэртэй газардсаныхаа дараа зогсоол дээр тавьсан машинд суун явсан байна.

Хамгаалалтын албанаас тэднийг зочид буудалд буудалсан байсныг мэдэгджээ. Мөн тус зочид буудлын захиргаанаас энэ үйлдлийг шүүмжлэн, дахин давтагдуулахгүйн тулд хориглосон байна.

BASE jumping буюу хөдөлгөөнгүй биетээс үсэрдэг, эр зориг шаардсан энэ спортыг сонирхогчид өндөр барилга, цамхаг зэргээс шүхэртэй бууж газарддаг байна. Энэ нь онгоцноос шүхрээр буухаас өөр бөгөөд ихэвчлэн тэнгэр баганадсан өндөр байшин барилга, хадан цохио, гүүрүүдийг сонгодог ажээ.

Эх сурвалж: CNN

---