ХСҮТ-ийн хоёр эмч болон ойрын хавьтлын нэг хүнээс вирус илэрсэнтэй холбогдуулж, өнгөрөгч пүрэв гарагаас ХСҮТ-д хөл хорио тогтоосон. ХСҮТ-ийн доторх нөхцөл байдлын талаар тус төвийн дэд захирал С.Хүрэлсүхээс тодрууллаа. 

Тэрбээр "ЗӨСҮТ-өөс манай эмнэлгийн эмч, ажилтнуудыг коронавирусийн шинжилгээнд хамруулахаар болсон. Ингээд энэ сарын 24-ны өдөр манай хоёр ажилтнаас коронавирусийн халдварын эерэг тохиолдол гарсан. Манай төв эмчилгээ үйлчилгээгээ зогсоохгүй тулд нийслэлийн ЭМ газрын харьяа эмнэлгүүдэд 1, 2, 3 дугаар эмнэлгүүдэд зарим нэгэн эмчилгээ, үйлчилгээ үзүүлж эхэлсэн.

Эмнэлгийн эмч, ажилтан, өвчтөн гээд 660 гаруй хүнийг хамруулсан. Үүнээс 460 орчим нь эмч, эмнэлгийн ажилтан хамрагдсан байгаа. Дээр нь 200 орчим үйлчлүүлэгч хамрагдсан. Дээрх иргэдийн хоёр дахь давтан шинжилгээг өнөөдрөөс хийж эхэлж байна.

Нэгдүгээр хавьтагч нарыг буудалд тусгаарлаж, дам хавьтагч нараас шинжилгээ авахад сөрөг гарсан тул гэрийн тусгаарлалтад шилжсэн. Эдгээр иргэд хоёрдахь шинжилгээнд хамрагдана. Өнөөдрийн байдлаар 120 гаруй өвчтөн үйлчлүүлэгч 58 сахиур байна" гэсэн юм.

Химийн эмчилгээ хийлгэх гэсэн иргэдийн төлөөлөл: Хавдар судлалын үндэсний төвийн хаалга мөргөн буцаж байна. Долоо хоногийн өмнө цаг автал өнөөдөр ажиллахгүй гэдгээ утсаар мэдээлэл өгөхгүй ирэгдэд чирэгдэл үүсгэж байна. Энэ хэвээрээ байвал эмчилгээ тасрах байдал үүсээд байна.

---