ХУД-ийн ЗДТГ цар тахлын үед ямар арга хэмжээ аван ажиллаж байгаа талаар тус дүүргийн Шуурхай штабын гишүүн Б.Алтантуяатай ярилцлаа. Тус дүүрэгт хэрэв халдвар гарвал зарлан мэдээлэх схемийг шуурхай ажиллуулах ба иргэддээ нэг цонхоор мэдээлэл өгөн ажиллаж байгаа аж. 

ХУД-ийн Шуурхай штабын гишүүн Б.Алтантуяа: 

-Хан-Уул дүүргийн Шуурхай штаб 24 цагаар ажиллаж байна. Манай дүүрэгт халдвар илрүүлэх 11 цаг ажиллаж, одоогоор 13 000 иргэнээс шинжилгээ аваад байна. Орон нутаг руу зорчих иргэдэд зориулан дөрвөн сургууль дээр лаборатори ажиллаж байна. Одоогоор иргэдийг бөөгнөрүүлсэн, хүндрэл гарсан зүйлгүй, УОК-оос өгсөн заавар, зөвлөгөөг ягштал баримтлан ажиллаж байна. 

"Хан-Уул дүүргийн Шуурхай штаб" гэсэн пэйж хуудас ажиллаж байгаа. Энэ хуудсаар иргэддээ зөвлөгөө, мэдээлэл, сэрэмжлүүлэг хүргэж байгаа. Иймд Хан-Уулчуудыг энэ пэйжээс мэдээллийг цаг алдалгүй аваарай гэж уриалж байна. Мөн, дүүргийн 8312-0466 дугаарын утсаар зөвлөгөө, мэдээлэл авч болно. Хэрэв дүүрэг дээр халдвар илэрвэл Зарлан мэдээлэх схем ажиллаж эхэлнэ. 

Дүүргийн хэмжээнд ариутгал, халдваргүйжүүлэлтийг өдөр бүр явуулж байна. Өдөрт дунджаар 500-600 байгууллагад ариутгал хийгдэж байна. Ариутгах ажлыг МХЕГ-аас хянаж байгаа. 

---