НИТХ дахь АН-ын бүлэг өнөөдөр хуралдлаа. Хурлаар Нийслэлийн Засаг дарга бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөрийн төслийн тухай болон 21 оны төсвийг хэлэлцлээ. Төсвийг 12-р сарын 5-наас өмнө хэлэлцэж батлах юм.

Нийслэлийн Засаг дарга бөгөөд Улаанбаатар хотын Захирагчийн ирэх дөрвөн жилийн үйл ажиллагааны хөтөлбөрт ковидтой холбоотой зорилго зорилт байгаа ч төлөвлөгөөнд таарсан төсвийн асуудал орж ирээгүй гэж НИТХ дахь АН-ын бүлэг үзэж байна. Тиймээс АН-ын бүлэг нийслэл хотын иргэд, ААН-ийг эдийн засгийн хүндрэлээс гаргах төлөвлөгөөнд холбогдсон төсөв хийх ёстой гэж үзэж байгаа юм.

---