™ watch
™ watch
Засгийн газар цаг үеийн асуудлаар хуралдаж, гаргасан шийдвэрээ танилцууллаа.
УОК-ын дарга, Шадар сайд Я.Содбаатар:
-Арванхоёрдугаар сарын 1-нээс хойш танхимын хичээл хийгдэхгүй. Цэцэрлэг, ЕБС-ийн хичээл 12 дугаар сарын 18-ныг дуустал теле хэлбэрээр явагдаад, улирлын амралт эхэлнэ. Улирлын амралт 2021 оны 2 дугаар сарын 1 хүртэл үргэлжилнэ.
Их, дээд сургуулийн оюутнууд 2021 оны 1 дүгээр сарын 5 хүртэл онлайнаар хичээллээд, 2 дугаар сарын 15 хүртэл амарна. Их, дээд сургууль болон боловсролын байгууллагууд ч танхимын хичээл хийхгүй байх шийдвэрийг Засгийн газраас гаргалаа.
Өнөөдрийн байдлаар манай улсад бүртгэгдсэн коронавирусийн тохиолдол 640 болоод байна. 162 сорьц авах цэг ажиллаж байна.
Сэлэнгэ аймгийн Сүхбаатар хот, Алтанбулаг, Зүүнхараа суманд иргэдийг шинжилгээнд хамруулах ажлыг зохион байгуулж байна. Сэлэнгэ аймгийн Алтанбулаг, Сүхбаатар хотод нийт 27 мянган иргэн байгаа. Эдгээр иргэдийн 70 хувь нь шинжилгээнд хамрагдаад байгаа. Дархан-Уул аймагт харьцангуй голомтолж гараагүй. Гэхдээ хөл хөдөлгөөний гол цэг.
Ийм учраас тус аймагт тэг зогсолт хийсэн. 27 мянга орчим иргэнээс шинжилгээ аваад байна.
Дархан-Уул аймгийн нэг өрхийн нэг иргэн шинжилгээнд хамрагдаж байна. Орхон аймагт төмөр зам дагасан 17 тохиолдол бүртгэгдсэн. Эрдэнэт үйлдвэрийн 6,000 ажилчныг шинжилгээнд хамруулж дууслаа. Сэжигтэй тохиолдол бүртгэгдээгүй.
Хүнсний хангамжийн хувьд ямар нэгэн тасалдал үүссэн зүйл алга
Хүнсний хангамжийн хувьд ямар нэгэн тасалдал үүссэн зүйл алга. Нийслэлийн хүн амын хэрэгжлээнд 494 тонн нөөцийн мах худалдаалсан. Дархан-Уул болон Сэлэнгэ аймагт 360 мянган тонн нөөцийн мах гаргаж, худалдсан. Арваннэгдүгээр сард нийгмийн халамж тэтгэвэр, тэтгэмжийг 556 мянган иргэнд 38.6 тэрбумыг олгоод байна.
Арваннэгдүгээр сарын хүүхдийн 100 мянган төгрөгийг банкаар дамжуулан 1.2 сая хүүхдэд нийт 119 тэрбумыг төгрөг олгосон. Тэтгэвэр тэтгэмж, хүүхдийн мөнгө авах 60 мянган иргэнийг дансжуулсан.
Боловсролын байгууллагын чиглэлээр теле хичээлийг сайн зохион байгуулж байна. Хоол, хүнс тэжээлийн дутагдалд орох магадлалтай 44,282 хүүхэд байна гэсэн судалгаа гаргасан. Энэ дагуу суругууль, цэцэрлэгүүдийн хүнсний нөөцийг энэ чиглэлд зарцуулах Засгийн газрын тогтоол гарч байна.
Улсын хэмжээнд 88 их дээд сургуульд 147,293 оюутан суралцаж байгаа. Үүнээс 71 оюутны дотуур байранд 11,359 оюутан байна. Нийслэлд 56 дотуур байгаа. Улаанбаатар хотод түрээсийн байранд 18,687 оюутан байна. Энэ мэтчилэн нарийвчлан судалгааг авч, үүнийхээ дагуу зохих шийдвэрийг авч байгаа” гэлээ.
Нийслэлийн Засаг дарга Д.Сумъяабазар: Нийслэл хотод эмзэг, зорилтод бүлэгт байгаа хүүхдийн судалгааг халамжийн газраас гаргаад хүнсний туслалцаа үзүүлэхээр бэлтгэл ажлаа хангаж байгаа. Хоол, тэжээллийг дэмжлэг шаардлагатай байгаа 7900 суралцагч нарыг хамруулахаар тооцсон. Уг дэмжлэгийг сургууль, цэцэрлэг, дотуур байрны нөөц хүнсийг өгнө.
УОК-ын дарга, Шадар сайд Я.Содбаатар: Цаашид хөл хорио сунгах, хэсэгчилсэн, хэвийн байдалд шилжвэл ямар хариу арга хэмжээ авах талаар мэргэжлийн байгууллагуудын бодлогын зөвлөмж гарна. Манай улсад эрсдэл өндөр байна. Арваннэгдүгээр сарын 1-нээс хойш бүх нийтийн бэлэн байдлын зэргийг сунгах эсэхийг хараахан хэлж чадахгүй. Энэ долоо хоногийн төгсгөлд тодорхой мэдээлэл өгнө. Ер нь халдвар авсан иргэдийг харахад өрх дагасан халдвар бүртгэгдэж байна. Иргэдийн хувьд сайн дураараа шинжилгээ өгч байгаа. Уг иргэдийн шинжилгээний хариуг харгалзан хөл хориог сунгах эсэхийг шийднэ.
Хуралдааны үеэр салбарын сайд нар сэтгүүлчдийн асуултад хариулсан билээ. Ингээд уг мэдээллийг нэг өгүүлбэрийг та бүхэнд хүргэж байна.
