Хөл хорио тогтоосноос хойш манай улс 10 дахь хоногоо үдэж байна. Энэ хугацаанд сошиал сүлжээнд олон янзын үзэгдэл, үйл явдал болж өнгөрч буйг бид TREND LIVE хүргэж байгаа билээ.

Бага насны хүүхдүүд түмпэн, шанага нүдэж, хөгжим тоглодог бол хөл хориотой энэ үед томчууд хүртэл гэрт байгаа аяга, тавгаа ашиглан цагийг үр бүтээлтэй өнгөрүүлэх болсон байна.

Хөгжмийн багш мэргэжилтэй нэгэн залуу Төрийн шагналт хөгжмийн зохиолч Э.Чойдогийн хөгжим “Жалам хар” бүтээлийг аяга, тавгаа ашиглан чамгүй сайн тоглож буй бичлэг иргэдийг зүгээр суулгүй, бүтээлч байхыг харуулав.

Дархлаагаа дэмжихийн тулд сайн унтаж амарч, эрүүл хоол хүнс хэрэглэхээс гадна сэтгэл санаагаа тайван байлгах нь маш чухал. Хөл хорио тогтоосон байгаа энэ цаг үед, айж бухимдалгүйгээр цагийг хөгжилтэй, дурсамж дүүрэн өнгөрөөцгөөе.

---