Улаанбаатар хотоос хулгайн замаар 11-р сарын 15-нд Хэнтий аймагт ирсэн хоёр хүнээс коронавирус илэрчээ. Тухайн иргэд Баянхутаг сумандаа гэртээ ирэхэд нь сумын эмнэлэг түргэвчилсэн оношлуулаар оношилж, тогтоосон байна.

Үүнтэй холбоотойгоор Хэнтий аймгийн онцгой комисс хуралдаж аймаг орох, гарах бүх хөдөлгөөнийг хязгаарлаж, аймаг доторх үйлчилгээний байгууллагуудын үйл ажиллагааг бүгдийг хааж, аймаг доторх авто болон явган хүний хөдөлгөөнийг ч мөн хязгаарлалаа.

Улмаар Улаанбаатар хотоос ирсэн хүмүүсийн явсан замыг тогтоохоор ажиллаж эхэлсэн байна.

Тухайн иргэд Улаанбаатар хотоос хулгайн замаар гараад Цэнхэрмандалын постоор дайрч, Хэнтий аймгийн Дархан-Баянмөнх-Баянхутаг гэсэн сумдаар дайрч, Хэрлэн гол дагуу яваад, аймгийн төвийн урд талын ШТС-аар үйлчлүүлээд Баянхутаг сум оржээ.

---