Коронавирусийн халдвар дотоодод бүртгэгдсэнээс хойш иргэд томоохон хүнсний захаар ихээр үйлчлүүлэх болсон. Энэ сарын 11-нд “Хүчит шонхор” худалдааны төвд махны үнэ хөөрөгдөж, худалдаачид махны үнээ нэмснийг ШӨХТГ-аас тогтоон 20 сая төгрөгөөр торгосон билээ.

Тэгвэл хатуу хөл хорио тогтоосноос хойш тус захын нөхцөл байдал ямар байгааг эргэн сурвалжиллаа.

“Хүчит шонхор” худалдааны төвд махны үнэ тогтвортой, хүнсээ цуглуулах иргэдийн хөл хөдөлгөөн тасрахгүй байна.

Эрүүл мэндийн байгууллагаас иргэдийг дархлаа дэмжихийг зөвлөж байгаа. Тэгвэл адууны мах дархлаа дэмждэг. Иргэдийн хувьд адууны мах авахаар 10 гаруй минут дугаарлаж байна гэсэн юм.

Зарим иргэний хувьд махны лангуунуудад хонь, адууны мах дууссан байна хэмээв. Харин гадаа худалдааны хувьд ачаалал бага байна гэсэн бөгөөд хонины мах нэг кг нь 4500-5000 төгрөгөөр борлуулж байгаа гэдгийг худалдаачид дурдлаа.

---