Коронавирусийн дэгдэлтийн үед иргэд айдас, түгшүүрээсээ хэрхэн салах хэрэгтэй талаар СЭМҮТ-ийн их эмч Л.Жавхлан зөвлөж байна.

Коронавирусийн хувьд вирусийн гаралтай ханиадны нэг хэлбэр. Тэгэхээр ханиад ямар замаар яаж тусдаг вэ тэр зарчмын дагуу иргэдэд халдаж байгаа. Иймд ханиаднаас хэрхэн урьдчилан сэргийлдэг. Тэр шигээ өөрийгөө урьдчилан сэргийлэх хэрэгтэй.

Халдвар авсан хүний хувьд гаднаас ирэх сэтгэл зүйн дайралтаас илүү өөрийнх нь амь нас, эрүүл мэндээ боддог. Дархлаагаа дэмжсэнээр биеийн болон сэтгэл зүйг дэмждэг. Өөрийгөө сайн амрааж, энэ өвчний талаарх тодорхой ойлголттой байх хэрэгтэй.

Хөл хорио тогтоож байгаа нь хувийн орон зайд халдаж байгаа юм шиг санагдаж байгаа ч төр засгийн гаргаж байгаа шийдвэрийг дагаад явах юм бол тийм ч хүндрэлтэй санагдахгүй. Учир нь өвчин тусаад өвдлөө гэхэд гэртээ өөрсдийгөө эмчилдэг шиг бусдыгаа хүндэлж халдвар тархахаас сэргийлж байна гэж бодох хэрэгтэй.

Манай ардын үг байдаг. Өвчин хэлж биш хийсэж ирдэг гэдэг. Хүн эхлээд өөрийгөө халдвар авснаа мэдэх боломжгүй. Коронавирус нь өөрөө далд үе шаттай 2-3 шинжилгээний дараа илэрч байна. Халдвар илэрсэн хүмүүсийн хувьд тухайн үед шинжилгээ авахад сөрөг гарч байсан бол дараа нь илэрч байгаа юм. Энэ хүн маань санаатайгаар тарааж яваагүй гэдгийг ойлгох хэрэгтэй. Ямар ч хүн коронавирусээр өвчлөхгүй байхыг бодож байгаа. Энэ бол хэнд ч тохиолдох байсан эрсдэл шүү.

 

---