Манай улсад бүртгэгдсэн коронавирусийн халдварын тоо өнөөдрийн байдлаар 24-өөр нэмэгдэж 406 болоод байна. Үүнээс хоёр нь халдвартай хүмүүст үйлчилж байсан эмч, сувилагч юм.

Эмч сувилагч нар халдвар авсан шалтгаан нь хамгаалах хувцас хэрэглэлээс үүдэлтэй гэж зарим иргэд хардаж байна. Ялангуяа оёдлыг нь дарсан туузгүй хувцас өмссөн нь халдвар гарах эрсдэл үүсгэсэн байхыг үгүйсгэхгүй гэж үзэж байна. 

Гэвч Эрүүл мэндийн сайд Т.Мөнхсайхан хамгаалалтын хувцасны туузтай, туузгүйгэс хамаарахгүй, халдвар хамгаалалтын хувцаснаас болоогүй гэх тайлбар өгч байна. 

---