СПОРТ
ХӨГЖИМ
™ watch
Эрүүл мэнд | 2020-11-10

Д.Нямхүү: Коронавирусийн халдвар дотоодод тархсан бол олон нийтэд шууд мэдээлэх болно

Нийтэлсэн
3 жилийн өмнө


Сурталчилгаа
Нийтэлсэн:   Т.Сайнбуян
3 жилийн өмнө

Өнөөдөр буюу 2020 оны арваннэгдүгээр сарын 10-ны өдөр Монгол Улсад коронавирусийн халдвар зургаагаар нэмэгдэж, нийт батлагдсан тохиолдол 374 боллоо.

Энэ талаар ХӨСҮТ-ийн ерөнхий захирал Д.Нямхүү "Өнөөдөр бүртгэгдсэн халдварын зургаан шинэ тохиолдлын дөрөв нь аравдугаар сарын 20-нд Сөүл-Улаанбаатарын тусгай үүргийн нислэгээр ирсэн хүмүүсийн давтан шинжилгээнээс илэрсэн. Тэдний гурав нь эрэгтэй, нэг нь эмэгтэй, 49-54 насны хүмүүс байна. Тав дахь тохиолдол нь мөн өдөр Дели-Улаанбаатарын нислэгээр ирсэн 31 настай, нэг эрэгтэйн шинжилгээнээс илэрсэн.

Харин үлдсэн нэг нь ХӨСҮТ-д халдвартай   хүмүүсийг эмчилж байгаад өөрөө халдвар авсан сувилагчийн ойрын хавьтлын таван иргэний нэг буюу 27 настай, эмэгтэй эмчийн шинжилгээнээс халдвар илэрлээ. Уг эмчилгээний багийнхныг нэг, нэгээр нь тусгаарласан.

Ингэснээр манай улсад батлагдсан тохиолдол 374 болсон. Үүнээс 317 нь эдгэрсэн бөгөөд 54 хүн ХӨСҮТ-д эмчлүүлж байна. .

Халдвартай байсан гурван иргэн нутаг буцсанаар эмчилгээнд байх ёстой 57 хүний 54 нь ХӨСҮТ-д эмчлүүлж байна.

ХӨСҮТ-д коронавирусийн халдвартай иргэдийг эмчилж байгаа эмч, сувилагч, ажилтнуудыг хяналтын камераар бүрэн хянадаг гэнэ. Тус төв нь 200 орны хүчин чадалтай бөгөөд орны тоог өргөжүүлж, 400 орыг шинээр бэлтгэж байгаа юм. . Харин шаардлагатай тохиолдолд гаднаас сэхээний эмч, сувилагч нарыг авна. Эдгээр эмч нарыг сургаж байгаа. ХӨСҮТ-ийн хамгаалах хувцас, хэрэгсэл, эмийн хангамж 14-21 хоногийн нөөцтэй байна.  

ХӨСҮТ-д сайн дураараа ирж шинжилгээ өгөх бол үнэ төлбөргүй байгаа. Харин гадагшаа зорчих хүсэлтэй иргэдийн шинжилгээг 150 мянган төгрөгөөр хийж байна. Өдөрт 1000 гаруй шинжилгээг хийж байна. Үүнд асар их мөнгө улсаас гарч байгаа. Гадаадаас ирж байгаа иргэдийг 1, 7, 10, 11, 14, 18, 19 хоног дээр давтан шинжилгээ хийж байна.

. Үнэхээр манай улсад коронавирусийн халдвар дотоодод тархсан бол олон нийтэд шууд мэдээлэх болно.

Халдвар тарчихлаа гэж худлаа ярьж байгаа иргэдэд анхааруулж хэлэхэд иргэдийг худал мэдээллээр битгий төөрөгдүүлээч хэмээн хэлмээр байна” гэлээ.

Сурталчилгаа

Манай хуудсыг дагаарай!


Сэтгэгдэл (5)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Ай мэдэхгүй
3 жилийн өмнө
103.212.118.10

Сүүлийн 7 хоногийн байдлыг ажиглавал нэлээн хэцүүхэн бншүү. Сургууль цэцэрлэгээ цагийг нь богиносгоод 2 ээлжээр түрүүнийх шиг бж болдоггүй юмуу? Манай хүүхдийн анги 53н хүүхэдтэй.нус нь гоожсон юм л ирдэг.

Алтанцэцэг
3 жилийн өмнө
175.194.126.213

Наад хүмүүсийнхээ вирус адилхан байна уу үгүйг шинжилсэн юм уу алдаагүй гээд алдсан бол та ард түмний өмнө ямар хариуцлага хүлээх вэ наад вирус чинь нууж хаах юм биш шүү каринтиний байраа ариутгаж байгаа юу тооцоо хийхэд дотоодоос л өвчин туссан байна даа эмч минь тэнэг би бодоод гаргаж байхад дээд боловсролтой мэргэжилын эмч илүү майн тооцох байлгүйдээ хөө

Ш Алгаа
3 жилийн өмнө
202.126.90.23

Тиймээ бид эмч эмнэлэгийн ажилтнуудын гаргасан шинжилгээ дүгнэлтэд итгэж байна Худал зарим хүмүүсийн хувийн үзэл бодол тийм ийм гэсэн хардалт сэрдэлт олон гШтүмнийг цочирдуулж байгаа шүү Үг амилж бодол биелдэг эрин зуунд бид амьдарч байгаа

Зочин
3 жилийн өмнө
202.126.88.199

Та нартай амжилт хүсы

Зочин
3 жилийн өмнө
202.126.88.199

Та нартай амжилт хүсы

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.