УИХ-ын нэгдсэн чуулганаар “Төрөөс мөнгөний бодлогын талаар 2021 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж байна. Энэ чуулган дээр УИХ дахь АН-ын бүлэг акц зохион байгуулжээ.

Тэд “Халамжийг биш ажлын байрыг дэмжье”, “Монгол хүн бүр 27 сая төгрөгийн өртэй”, “Ам.доллар 40% өсч, Амьдрал 40% хувь буурлаа” гэх мэт мэдэллийг ширээн дээрээ тавьж, чуулганы үүдэнд таван жилийн өмнөх 20 мянган төгрөгийн худалдан авах чадвар, өнөөдрийн нөхцөл байдлыг харьцуулан тавьжээ. 

 

Энэ үеэр УИХ-ын гишүүн С.Одонтуяагийн хэлсэн үгийг хүргэж байна. 

С.Одонтуяа: Ханшийг 40 хувиар алдчихлаа. Энэ бол иргэдийн халаасанд орох мөнгө 40 хувь буурсан гэсэн үг

-Ард түмний амьдрал ямар байдалд орсон байна. Энэ тоонуудыг хараад уйлаад сууж байгаа хүмүүс зөндөө байна. Энэ тоо баримтууд дандаа улс төрийн шийдлүүд. Төсвийн үр ашиггүй зарлага, мөнгөний ханш, мөнгө хэвлэх гэх мэтээр...

2016-2017 онд АН руу бүх зүйлээ чихэж байсан. Одоо АН руу чихэх хуагцаа хэтэрхий олон жил боллоо. Өөрсдөө одоо анхаар. Өнөөдрийн байдлаар ханшийг 40 хувиар алдчихлаа. Ковид-19 цар тахлын үед дөрвөн хувиар, бусад үед нь 36 хувиар алдсан. Үүний хариуцлагыг хэн хүлээх ёстой юм.

2015 онд та нар 17 боодол нэгтийн дэвсгэрт нэг доллартай тэнэж байна гээд их шоудсан. Өнөөдөр 29 боодолтой тэнцэж байна.

Ханш 40 хувь унана гэдэг бол ард түмний халаасанд орох байсан орлого 40 хувь буурсан гэсэн үг. 20 мянган төгрөгөөр 2015 онд ямар хүнс авдаг байсан, 2020 онд ямар бүтээгдэхүүн авч байгааг харьцуулж тавьсан. Т анар энэ зовлонг мэдэхгйү байж магад.

Тэтгэвэр, тэтгэмж, цалин хөлс бүгд 40 хувиар унаж байна. Яагаад гэвэл бид хэрэглээнийхээ 70 хувийг импортоор авч байна.

Ханшаа барих гэж интервенцэд 8 тэрбум 370 сая доларыг зарцуулсан байна. Нэг сая доллар ямар их мөнгө гэдгийг та нар мэднэ. Гэвч энэ нь ямар ч үр дүнгээ өгсөнгүй.

Хоёр дахь алдаа нь банкны системийн хямрал.

Өнөөдөр хугацаа хэтэрсэн зээлийн өрийн үлдэгдэл 6,6 хувь, банкны систеийн чанаргүй зээл 11,4 хувь. Энэ бол Засгийн газар, эрх баригчид муу ажилласны үр дүн. ААН-үүд орлогоо олж чадахгүй байна, зээл нь олдохгүй байна гэсэн үг. Энэ маш ноцтой асуудал шүү.

Дээрээс нь Төв банкны үнэт цаасны хэмжээ 5,3 их наяд. Банкуудад дөрвөн жилийн хугацаанд  хоёр их наяд төгрөгийг зөвхөн хүүнд зарцуулж байна. Энэ бүх бодлого чинь буруу байна.

Мөн дөрвөн жилийн хугацаанд өмнө нь байгаагүйгээр их мөнгө хэвлэжээ.

Өмнө нь 26 жилийн хугацаанд мөнгөний нийлүүлэлт 10,1 их наяд байсан бол дөрөвхөн жилийн дотор 22,3 их наяд болгож нэмжээ.

Нэг гараараа мөнгөний нийлүүлэлтээ өсгөөд нөгөө гараараа мөнгөний бодлогоо алдаж байна. Энэ бүхнээ өөрчлөх ёстой.

---