Словакийн "KleinVision" компани өөрийн "AirCar" нэртэй нисдэг машин нь туршилтын нислэгээ амжилттай гүйцэтгэснийг зарлан, нислэгийн бичлэгийг хуваалцжээ.

"AirCar" нь гурван минутын дотор тууш замын автомашинаас нисэх онгоц болж хувирдаг байна. Энэхүү тээврийн хэрэгсэл нь эвхэгддэг далавч, эвхэгддэг сүүл хэсэг болон шүхрийн системээр тоноглогдсон аж.

"KleinVision" компанийн мэдээлж буйгаар "AirCar" машин нь нислэгийнхээ үеэр дээд тал нь 457 метрийн өндөрт хүрч, нийт 997 км нисэх боломжтой гэнэ.

Тус компани уг нисдэг машиныг 2021 онд зах зээлд нэвтрүүлэхээр зорьж байгаа бөгөөд цаашид мөн газар, агаар, усан дээгүүр аялах зориулалттай тээврийн хэрэгсэл бүтээхээр ажиллаж байгаа аж.

Эх сурвалж: UPI

---