Төв аймаг дахь Эрүүгийн хэргийн давж заалдах шатны шүүхээс Улсын ерөнхий прокурорын орлогч асан Г.Эрдэнэбат, Тагнуулын ерөнхий газрын дарга асан Б.Хурц нарт холбогдох хэргийг хоёр өдрийн турш хянан хэлэлцээд анхан шатны шүүхэд дахин хэлэлцүүлэхээр буцаажээ.

Гэхдээ Б.Хурц нарт аваад байсан цагдан хорих, таслан сэргийлэх арга хэмжээг хэвээр үлдээж шийдвэрлэжээ.

Нийслэлийн Прокурорын газраас Б.Хурц, О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарыг Т.Чимгээ, Б.Содномдаржаа нарт эрүү шүүлт тулгасан хэмээн буруутган, яллах дүгнэлт үйлдэж ирүүлснийг  Төв аймаг дахь эрүүгийн хэргийн анхан шатны шүүх 2020 оны долдугаар сарын 22-ны өдөр хянан хэлэлцээд шүүгдэгч Ж.Мөнхгалд 3 жилийн хорих ял, С.Баярт 3 жилийн хорих ял, Б.Хурцад 3 жилийн хорих ял, Э.Өлзийбаярт 1 жилийн хорих ял, Г.Эрдэнэбатад 3 жилийн хорих ял, О.Бямбажавд 2 жилийн хорих ял, Ү.Отгонбаярт 2 жилийн хорих ялыг тус тус оноож байв.

---