Шүүхийн тухай хуулийн талаар УИХ дахь МАН-ын бүлэг хэлэлцжээ.

Монгол улсын Ерөнхийлөгч Шүүхийн тухай гурван хууль өргөн барьсан бол Засгийн газраас мөн нэг хууль өргөн барьжээ. Эдгээр хуулиудыг хэрхэх талаар хэлэлцсэн байна. Ингээд Ерөнхийлөгчөөс өргөн барьсан шүүхийн хуулиудыг нэгтгэх боломжгүй гэж Засгийн газар үзэн буцаасан бол МАН-ын бүлэг ч мөн буцаах нь зүйтэй гэж үзжээ.

УИХ-ын гишүүн Б.Энхбаяр:

-Ерөнхийлөгчөөс өргөн барьсан хуулийг буцаах болсон шалтгаан бол санаачилсан хуулийнх нь 80 хувь нь Засгийн газраас оруулж ирсэн хуультай ижил буюу хуулбарласан байсан.

Мөн өөрийнхөө томилгооны нөлөөллийг хадгалах гэсэн байр суурь, хандлага уг хуулинд байсан учир буцаах нь зүйтэй гэж үзсэн. Шүүхийн ерөнхий зөвлөлийн томилгоо, Сахилгын хорооны томилгоон дээр хэн илүү оролцох вэ гэх мэт дээр төвлөрснөөрөө л ялгаатай байсан.

-УИХ-ын хоёр гишүүнийг эргүүлэн татах талаар МАН бүлэг хэлэлцсэн үү?

-Гишүүнийг эргүүлэн татахтай холбоотой мэдээлэл УИХ дээр ирээгүй. Харин орон нутгийн сонгуультай холбоотой хэд хэдэн шүүхийн асуудлыг бүлэг хаалттай хэлэлцсэн. Шүүхээр тогтоогдоогүй байхад зарим төлөөлөгчдийг түдгэлзүүлсэн асуудал гарсан.

---