Аймаг, нийслэл, сум, дүүргийн Иргэдийн Төлөөлөгчдийн Хурлын найм дахь удаагийн сонгуулийн үр дүнгийн талаар МАН-ын ерөнхий нарийн бичгийн дарга Д.Амарбаясгалан мэдээлэл хийж байна.

МАН-ын ерөнхий нарийн бичгийн дарга Д.Амарбаясгалан: 

-Нийслэлийн Иргэдийн Төлөөлөгчдийн хурлын 45 суудлын 34 буюу 75.5 хувьд ингэхдээ Сүхбаатар дүүргээс бусдад МАН ялалт байгууллаа.

Мөн 21 аймгаас 13 аймгийн 185 суманд МАН-аас нэр дэвшигчид ялалт байгууллаа. Найман аймаг, нэг дүүрэг, 140 гаруй сумдын асуудал бий. Итгэлийг нь олж авахын төлөө ажиллана гэлээ. 

Нийслэлийн МАН-ын хорооны дарга Д.Сумъяабазар:

-Аймаг нийслэл,сум дүүргийн ИТХ-ын сонгуульд МАН-д итгэл хүлээлгэсэнд баярлалаа. Ажил хийх, бүтээн байгуулалт хийхэд нэгдсэн зохион байгуулалт чухал. Бид төлөвлөсөн олон ажилдаа ханцуй шамлан орно. 

МАН-аас НИТХ-ын 45 суудлаас 34-т нь МАН ялалт байгуулсныг хэлэхэд таатай байна. Мөн дүүргийн 291 суудлаас 200-д нь МАН яллаа.

Улаанбаатар хотынхоо тулгамдсан олон асуудлыг шийдвэрлэхийн төлөө МАН ажиллана.

-УИХ дээр ялсан аймгууд дээрээ ялагдал хүлээлээ. Ямар дүгнэлт хийж байна?

Д.Амарбаясгалан: Энэ удаагийн сонгуульд бие даагчид олноороо оролцсон. Тэр дундаа МАН-д харьяалагдаж байсан нөхөд бие дааж санал хуваасан. Энэ бол тухайн аймгийн нам дотооддоо эв нэгдлээ хангаж чадаагүйтэй холбоотой гэж үзэж байна. Ялагдал хүлээсэн тухайн шатны намын удирдлага хариуцлага хүлээх ёстой.

-Хотын даргад ямар хүнийг сонгох вэ?

Д.Сумъяабазар: Иргэдийнхээ амьдрал, ахуйг ойлгодог, эх орныхоо төлөө ажилладаг хүн болох ёстой. НИТХ-ын анхдугаар чуулганы үеэр зарлах ёстой. Намын мөрийн хөтөлбөрийг хэрэгжүүлэх чадвартай хүн байх ёстой. Мөн багаар ажиллах чадвартай байх ёстой. Ажлын дадлага, туршлагатай байх, өндөр ёс суртахуунтай хүнийг томилно. МАН-ын мөрийн хөтөлбөр цаашид бүх шатандаа хэрэгжих ёстой гэж дэмжсэн ард иргэддээ баярлалаа.

---