Баянгол дүүргийн 9 дүгээр хорооны 24-9-1 санал хураах байранд АН-ынхан сонгогчдын саналыг камераар бичиж, улмаар тус бичлэгээ wifi-гаар гадагш цацан хянаж байсан зөрчлийг МАН-ын ажиглагч илрүүлэн, таслан зогсоосон байна. 

Баянгол дүүргийн хоёр ч хэсгийн хороон дээр wifi-тай камер ашиглаж, сонгуулийн хууль зөрчиж байсныг илрүүлжээ. Тухайлбал, БГД-ийн 9 дүгээр хорооны санал хураах байранд цагдаагийн албан хаагч ирж "Санал хураах байрнаас wifi цацаад байна. Ийм камер ашиглах нь хориотой" хэмээн хураан авчээ. 

МАН-ын ажиглагчид энэ тухай "Энэ бол хэн гэдэг хүн аль намын хэнд санал өгч байгааг АН-ынхан хянаж байгааг баталсан тохиолдол боллоо. АН-ынхан иргэдийн санал худалдаж авсан байж болзошгүй гэж үзэн гомдол гаргана. Санал хураалт үнэн, зөв явж байгааг камераар бичиж, баталгаажуулж болох боловч, wifi-гаар гадагш цацах нь хууль бус үйлдэл. Цаана нь хүмүүс хянаж байна гэсэн үг шүү дээ" гэв. 

---