Туркийн "Sabah" хэвлэлээс хүний биеийн хөгшрөлтийг түргэсгэх хүнсний бүтээгдэхүүнүүдийн жагсаалтыг гаргажээ.

Энэхүү нийтлэлийн судлаач нар элсэн чихрийн хэрэглээ нь хүний ​​биед агуулагдах липид ба уургийг гэмтээснээр үрчлээ үүсгэж, арьсны уян хатан чанарыг алдагдуулдаг гэж үзэж байгаа аж. Мөн түргэн хоол, шарж хуурсан тослог хоол, маргарин тос болон лаазалсан хоолонд транс өөх тос агуулагддаг тул зүрх судасны өвчлөлийг нэмэгдүүлж, судас гэмтээх аюултай. Үүнээс гадна эдгээр хоол хүнс нь арьсны цусны эргэлтийг удаашруулдаг байна.

Харин кофе, хиам, зайдас гэх мэт боловсруулсан мах, давс зэрэг нь шингэн алдалт үүсгэдэг тул арьсны хөгшрөлтийг үүсгэдэг гэнэ. Тэгвэл шарсан төмсний хэрэглээ нь арьсны эсийг гэмтээдэг бөгөөд тус ногоонд их хэмжээний элсэн чихэр агуулагддаг аж.

Түүнчлэн халуун ногоотой хоол нь цусны эргэлтийн системд нөлөөлөн, судас өргөсгөдөг ба энэ нь арьсны хөгшрөлттэй холбоотой өөрчлөлтөд хүргэдэг гэсэн юм. Ингээд сүүлд нь нүүрсэн дээр шарсан махны хэрэглээ нь хүнийг ихэд хөгшрүүлдэг гэдгийг онцолсон байна.

Эх сурвалж: Риа Новости

---