Өчигдөр эхэлсэн цасан шуурганы улмаас баруун 4 аймгийн 50 гаруй сум тог цахилгаангүй болоод байгаа билээ. Өнөөдөр ч цасан шуурга шуурч зүүн болон говийн нутгуудаар үргэлжлэх төлөвтэй байгааг УЦУОШГ-аас анхааруулж байна. Энэ асуудалтай холбоотойгоор Улсын онцгой комисс мэдээлэл хийж байна.

Баян-Өлгий, Говь-Алтай, Ховд, Увс аймгийн нутгаар болсон цаг агаарын гамшигт үзэгдлийн улмаас Увс аймгийн Түргэн сумын цахилгаан дамжуулах агаарын шугамын 220 кВ-ын 4, Өмнөговь суманд 110 кВ-ын 9 нийт 13 төмөр тулгуур багана унасан байна. Үүнээс үүдэж Баян-Өлгий аймгийн 12, Ховд аймгийн 15, Говь-Алтай аймгийн 5, Увс аймгийн 18 гээд нийт 4 аймгийн 52 сум тог цахилгаангүй болсон.

Тулгуурыг маргаашийн дотор засч дуусахаар ажиллаж байна. Энэ бүхнээс үүдэж эрчим хүчний салбарт одоогийн байдлаар 300 гаруй сая төгрөгийн хохирол учраад байна.

Энэхүү цаг агаарын гамшигт үзэгдлийн улмаас 210 гаруй айлын гэр нурж, 116, хашаа саравч, 27 барилгын дээвэр нурсан байна. Мөн гамшигт үзэгдлийн үеэр алга болсон гурван иргэнийг эсэн мэнд олжээ.

Улсын онцгой комиссийн хуралдааны үеэр Шадар сайд Ө.Энхтүвшин дараах үүрэг даалгаварыг өглөө.

Үүнд: 

Эрчим хүчний сайд Ц.Даваасүрэнд: Тог цахилгаангүй болсон аймаг сумдыг тог цахилгаанаар хангах ажлыг шуурайлах, хохирлыг тооцоолох, Баян-өлгий, Ховд, Увс, Говь-алтай аймгийн засаг дарга нарт, аймгийн онцгой комиссыг онцгой бэлэн байдалд ажиллуулах, гамшгийн улмаас орон гэргүй болсон иргэдийг орон гэрээр хангах ажлыг зохион байгуулах,

УЦУОШГ-ын дарга Б.Энхтүвшинд: Цаг агаарын аюулт үзэгдлийн мэдээг шуурхай хүргэж ажиллахыг тус тус үүрэг болголоо.

Улсын онцгой комиссийн мэдээллийг шууд дамжуулж байна:

---