УИХ-ын гишүүдээсээ эхлээд засгийн газрын сайд нар нь хүртэл төрөөс жижиг дунд үйлдвэрлэлийг хөгжүүлэхийг дэмжих чиглэлээр байгуулагдсан сангийн бага хүүтэй мөнгийг эрх мэдлээрээ далайлган авч, эргээд эгэл жилийн ард иргэддээ өндөр хүүтэй зээлүүлж, өөрсдийн бизнесээ дэмжсэн явдал ил болсон. Ард түмэн үүнд бухимдаж, УИХ, Засгийн газрыг хариуцлага хүлээхийг шаардаж байна. 

Үүнтэй зэрэгцэн эрх баригч намын гишүүн, намын шат шатны сонгуульд хэвлэлийн PR багийг ахалж ажилласан Н.Дэмбэрэл намынхаа онц их хурлыг хуралдуулахыг уриалж, УИХ-ын гишүүдэд шаардлага хүргүүлж явна. 

 

Цагтаа МАН-ын даргад нэрээ дэвшүүлсэн ч, эцэст нь У.Хүрэлсүхийг дэмжсэн тэрээр нэгэн сонирхолтой байр суурийг илэрхийлжээ.

Тэрбээр:   

-Сүүлийн үед бодогдох болсон нэг зүйл бол МАН-ын дарга хэн бэ? гэдэг бодол. Харахад дарга нь У.Хүрэлсүх,генсек нь Д.Амарбаясгалан мэт боловч яг цагаа тулахаар дарга нь Женко /Х.Баттулга/, генсек нь З. Энхболд дарга нар байна. Ерөнхийлөгчийн Тамгын газар руу тэр чигтээ АН нүүгээд орчихсон гэдэгтэй маргах хүнгүй байх. Бага багаар Ерөнхийлөгчийн институт болон хувирч байна.

Хүүк бол МАН-ын жанжин биш юм байна. Бодлого алга.

МАН-ын Хэвлэлийн албаны дарга нь Мөнхбаясгалан. Улс төрийн бодлогын хэлтсийн дарга нь Херо Баатар, бас дүү нь юм шиг харагдах болов. 
Нэг фэйсбүүкчин ЖДҮ-чиддээ хариуцлага тооцож чадвал бурханыг биш Хүүкийг шүтье гэсэн байна лээ. Чадахгүй дүлэгнээд л байна. Ингэж Хүүк нүүрээ таниулж байгаа нь ч сайн хэрэг, Монголд ч ашигтай.

Бас түүний сонгуулийн үеэр Херо Баатартай ярьсан утасны бичлэг, өөрийгөө чагнуулсан гэх хэрэг, өөр тэгээд олон хүчин зүйл түүнийг МАН-ын дарга биш болгож байна. МАН-ын гишүүд хэнээр удирдуулаад байгаагаа ойлгож эхэлж байна. Тэд Монгол ялна гэж гарч ирээд ялуулаагүй ч харин МАН-ыг бол ялж байна. 

Ардчилсан намын гишүүд, дэмжигчдэд халуун баяр хүргэе гэж цахим хуудастаа бичжээ.

---