Японы алдарт Покемон цувралын гол дүрүүдийн нэг Пикачу шинэ дүр төрхөө танилцуулсан.

20 гаруй жил үзэгчдэд хүрсэн Покемон цувралын шинэ сурталчилгаа шүтэн бишригчдийг нь талцуулаад байна.

Пикачу хулганыг зузаан шар үстэйгээр дүрсэлсэн нь зарим хүнд таалагдаж байгаа ч заримд нь огт таалагдсангүй.

Урьд өмнө нь Покемон цувралд Пикачуг үргэлж үсэрхэг эгдүүтэй шар өнгөтэйгээр төсөөлж байсан ч анх удаа 3D өнгөөр дүрсэлж үсэрхэг байдлыг нь тодотгожээ.

 

 

Мөрдөгч Пикачу хамгийн анх 1996 онд Покемон цувралд гарч байсан. Энэ цагаас хойш дэлхийд танигдаж, бүх цаг үеийн хамгийн их борлуулалттай франчайз бүтээлүүдийн нэг болсон.

 

 

Энэ удаад Варнер Брос компанийн хийж байгаа Покемон кино уг цувралын баатруудыг анх удаа бодит дүр төрхөөр нь буулгасан бүтээл болох юм.

Холливудын жүжигчин Райан Рэйнольдс Пикачу хулганад дуу оруулсан байна. Өмнө нь Японы алдарт жүжигчин эмэгтэй Икуэ Отанигийн дуу оруулснаар Пикачу алдаршсан билээ.

 

Эх сурвалж: www.bbc.com

 

---