ШИНЭН-ын дарга, УИХ-ын гишүүн асан Ж.Батзанданаас Эрдэнэтийн 49 хувь, түүнийг тойрсон хуйвалдаан, тус нам АН-тай нэгдэж байгаа эсэх мэдээллүүдийг тодрууллаа. 

ШИНЭН-ын дарга Ж.Батзандан: 

-Эрдэнэтийн 49 хувьтай холбоотой ажлын хэсэг шинэчлэгдсэн. Ажлын хэсгийн ахлагч байсан ЗГХЭГ-ын дарга Л.Оюун-Эрдэнийг Шадар сайд Я.Содбаатараар сольж, нарийн бичгийн даргаар УИХ-ын гишүүн асан Ж.Энхбаярыг тавьсан. Шинээр байгуулагдсан ажлын хэсэг "Сахал" Д.Эрдэнэбилэг гэдэг хүнтэй уулзаж, хуйвалдаан хийх гэж байгааг бид эсэргүүцэж байна. Монголын ард түмний баялгийг хэсэг бүлэг этгээд завшиж болохгүй. 

-ШИНЭН-ыг үүсгэн байгуулагчдын нэг, УИХ-ын гишүүн асан Л.Болд "ШИНЭ нам, АН-тай нэгдэнэ" гэж ярилцлага өгсөн байсан. Энэ талаар? 

-Л.Болд ийм зүйл яриагүй. Харин сөрөг хүчний намууд, сонгуульд саналаа луйвардуулсан намууд нэгдэн нийлэх боломжтой гэж ярьсан. Одоодоо манай нам АН-тай өвөр түрийдээ орсон зүйл алга. 

-Та сонгуулийн ялагдлын дараа намын даргын албаа өгөөгүй бил үү?

-Намын даргаа өгөх хүсэлтээ гаргасан боловч намын хурал хуралдаагүй, энэ талаар шийдвэр гараагүй байна. 

---