Амазон компанийн гүйцэтгэх захирлаар ажиллаж байсан тэрбумтан Жэк Ма саяхныг хүртэл БНХАУ-ын хамгийн чинээлэг эрхэм, дэлхийн хамгийн баян 20 хүний нэг байсан юм. Тэгвэл Жэк Маг хөрөнгийнхөө хэмжээгээр цэвэр усны компани үүсгэн байгуулагч гүйцэж түрүүлжээ.

Нонгфу Спринг цэвэр усны брэндийг үүсгэн байгуулагч Жонг Шаншан гэгч эрхэм Хятадын хамгийн баян хүнээр нэрлэгдсэнийг Блүмберг мэдээлээд байна.

Ноён Жонг Хятадын тэрбумтнуудын жагсаалтын гуравдугаарт бичигдэж байсан бол энэ долоо хоногт хөрөнгийнх нь хэмжээ 58,7 тэрбум ам.доллар болж өссөнөөр 56,7 тэрбум ам.долларын хөрөнгөтэй гэж тооцогддог Жэк Маг гүйцэд түрүүлжээ. Мөн тэрбээр Тенсент группыг үүсгэн байгуулагч Пони Маг хөрөнгийнхөө хэмжээгээр давсан байна.

Сонирхолтой нь ноён Жонг нь Жэк Ма болон Пони Ма нартай адил технологийн салбарын мэргэжилтэн биш юм. Тэрбээр Нонгфу Спринг цэвэр уснаас гадна вакцин үйлдвэрлэгч Бээжин Вантай биологийн эмзүйн компанийн захирал ажээ. Тус компани Жонгийн хөрөнгийг багагүй хувиар өсгөж чадсан байна.

Түүнчлэн бусад баян чинээлэг эрхмүүдтэй харьцуулахад олон нийтийн өмнө бага гардаг, чимээ шуугианаас холуур “нууц ноёнтон” бөгөөд энэ байдал нь түүнийг “ганцаардмал чоно” гэсэн хочтой болгожээ.

Анхаарал татаж буй өөр нэг зүйл нь Хятадын тэрбумтнууд Америк, Энэтхэг улсуудтай харьцуулахад хурдацтай нэмэгдэж байна. Жонг Шаншан өнгөрсөн сард л гэхэд 20 тэрбум ам.долларын хөрөнгөтэй гэж тооцогдож байсан бол хэдхэн долоо хоногийн хугацаанд хөрөнгийнхөө хэмжээг гурав дахин нэмжээ.

Санхүүгийн шинжээчдийн таамаглаж байгаагаар дэлхийн зах зээлд, нэн ялангуяа Хятадын хөрөнгийн бирж дээр IPO хувьцаа ихээр гарснаар ирэх саруудад гэнэт баяжигчдын тоо нэмэгдсээр байх ажээ. Хонконгийн хөрөнгийн бирж дэлхий дээр Нью-Йоркийн Насдакийн дараа ердөө хоёрдугаарт орж байна. Мөн Шанхайн Од хөрөнгийн бирж өнгөрсөн жил нээлтээ хийсэн ч энэ жил томоохон зах зээлүүдийн нэг болж хэдийнээ байр сууриа эзлэв.

Эдийн засгийн шинжээчдийн таамагласнаар энэ жил Хятадад IPO хувьцааны ачаар 100 тэрбумтан шинээр төрөх ба энэ нь 3-4 хоногт нэг буюу, долоо хоног бүр хоёр тэрбумтан шинээр мэндэлнэ гэсэн үг юм.

Эх сурвалж: CNN

---