Вьетнамын цагдаагийн газар хэрэглэсэн бэлгэвчүүдийг цэвэрлэж, дахин савлаад зардаг байсан хууль бус ажиллагааг илрүүлжээ. Цагдаа нар хэргийн газар дээрээс 360 кг бүхий 345,000 ширхэг чанарын шаардлага хангаагүй бэлгэвчийг олсон байна.

Уг хууль бус үйл ажиллагааг Бин Дуонг мужийн өмнөд хэсэгт байдаг агуулах байранд явуулж байжээ. Агуулахыг нэр нь үл мэдэгдэх эмэгтэй эзэмшдэг болохыг илрүүлж, баривчлан саатуулжээ. Эмэгтэйн өгсөн мэдүүлгээр сар бүр үл таних хүн хэрэглэсэн бэлгэвчүүдийг ихээр нийлүүлдэг гэжээ.

Гэмт этгээдүүд хэрэглэсэн бэлгэвчүүдийг угааж, усанд буцалгасны дараа модон хэвээр дахин шинэ мэт болгож савлаад зардаг байна. Дахин савласан чанарын шаардлага хангаагүй бэлгэвчүүдийг кг-ийг нь 0,17 ам.доллараар зарсаар иржээ.

Агуулахаас олсон бэлгэвчүүдээс гадна хэр хэмжээний дахин савласан бэлгэвч худалдаанд гаргасан нь тодорхойгүй байна.

Эх сурвалж: BBC, Reuters

---