СПОРТ
ХӨГЖИМ
™ watch

Сургуулийн автобусны хэмжээтэй солир өнөөдөр дэлхийтэй зөрнө

Нийтэлсэн
3 жилийн өмнө


Сурталчилгаа
Нийтэлсэн:   Г.Ганчимэг
3 жилийн өмнө

АНУ-ын сансар судлалын станц НАСА өнөөдрөөс ердөө долоо хоногийн өмнө буюу энэ сарын 18-ны өдөр сургуулийн автобусны хэмжээтэй солир пүрэв гарагт дэлхийтэй зөрнө гэдгийг мэджээ. 5-10 метрийн диаметртэй уг солир манай дэлхийн агаар мандлаас 21,000 км-ын зайтай өнгөрөх юм байна. Энэ нь манай дэлхийн тойрог замд байдаг цаг уур судлалын хиймэл дагуулуудаас доогуур зөрж өнгөрнө гэсэн үг. Цаг уурын хиймэл дагуулууд дэлхийн гадаргуугаас 35,500 км-ын зайд байрладаг ажээ.

Уг солир дэлхийтэй хамгийн ойр зөрөх хугацаа нь зүүн бүсийн цагаар өглөөний 07 цаг 12 минут хэмээн мэдээлсэн байна. Номхон далайн зүүн урд хэсэг, Австрали, Шинэ Зеландын дээгүүр солир өнгөрөх ажээ.

Үүнтэй ижил төстэй олон тооны жижиг солирууд дэлхийн хажуугаар зөрөн өнгөрдөг бөгөөд жилд хэд хэдэн удаа солир дэлхийтэй илүү ойр зөрөн өнгөрөх тохиолдол гардаг гэж Өмнөд Калифорни дахь НАСА-ын лабораторийн дэлхийтэй ойр зөрж буй обьектуудыг судлах төвийн захирал Пол Чодас мэдэгдсэн байна.

Хэдийгээр 2020 SW нэртэй уг солир манай дэлхийд ямар ч хор хөнөөл учруулахгүй боловч түүнийг зөрөн өнгөрнө гэдгийг ердөө зургаа хоногийн өмнө мэджээ.

Эх сурвалж: CNN

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.