Нийслэлийн мэргэжлийн хяналтын газраас барилгын аюулгүй байдлыг хангуулах талаар хийсэн хяналт шалгалт, барилгын болоод үйлдвэрлэлийн ослын шалтгаан, нөхцөлийн талаар мэдээлэл хийлээ.

Барилгын ажил эрхэлж буй нийт 327 ААН-д шалгалт хийхэд нийт 341 зөрчил илэрчээ.

2019-2020 онд нийт 25 дуудлагаар цагдаагийн байгууллагатай хамтарч ослын газар ажилласан. Барилгын талбай дээр гарсан ослын дуудлага нийт 12 ирснээс бүлэг осол 4, осолд өртсөн хүний тоо 21, нас барсан 11, гэмтсэн хүн 10 хүн байна.

Мэргэжлийн хяналтын байгууллагаас барилгын ослын талаар зөвлөмж санамж хүргүүлдэг. Энэ дагуу аж ахуй нэгжүүд ажиллаж, аюулгүй байдлаа хамгаалах ёстой. Гэтэл байгууллагууд дотоод зохион байгуулалтгүйн улмаас барилгын осол нэмэгдэж байна.

Хөдөлмөрийн аюулгүй байдлыг ханган ажиллаагүй 173 буюу 53 хувийн дотоодын хяналт шалгалтыг мөрдөөгүй 94 буюу 29 хувьд уг зөрчлүүд илэрсэн бол иргэдийн эрүүл ахуй, аюулгүй байдлыг хангаагүй 60 буюу 18 хувийн зөрчлүүд эзэлж байна.

Мэргэжлийн хяналтын газар, барилга хот төлөвлөлтийн газраас хамтарсан хяналт шалгалт хийсэн. Үүнд иргэдийн аюулгүй байдлын талаар түлхүү тусгалаа. Замын хашлага, саравч, тэмдэг тэмдэглэгээ, барилгын хамгаалалтын хүрээ, авто замын хаалт, тэмдэг тэмдэглээний стандарт байдлыг хэр хангаж байгаа талаар шалгалт хийсэн.

Нийт 286 хашаанд шалгалт хийхэд 27 нь ашиглалтанд орсон бөгөөд 123 нь стандартын шаардлага хангаагүй байна.

---