Малайз улсын иргэн гэрийнхээ ард талын ойд гар утсаа алга болгожээ. Харин маргааш нь утсаа олоход гар утсан дээр нь дэггүй сармагчин селфи хийж, бичлэгээ үлдээсэн байсныг харжээ.

Сармагчны үлдээсэн бичлэгээс харахад гар утсыг нь идэхийг оролдсон байна. Хөгжилтэй уг бичлэгийг Закридз Родзи өөрийн Твиттер хуудсанд нийтэлсэн нь олон хүнд хүрчээ.

Тэр эхлээд унтаж байхдаа гар утсаа хулгайд алдсан гэж бодож байжээ. Хэрхэн алга болгосноо огт санахгүй байв. Малайзын Жохор мужийн Бату Пахат их сургуулийн компьютерын шинжлэх ухааны сургуулийн төгсөх курсын оюутан эцэст нь өнгөрсөн долоо хоногийн бямба гарагийн өглөө 11 цагт сэрэхдээ утсаа алга болсныг мэдсэн тухайгаа санажээ. Гэхдээ хэн нэгэн гэрийг нь дээрэмдэж, бусад эд зүйлийг хулгайлаагүй байжээ.

Закридз гар утсаа олохын тулд аавынхаа утаснаас өөрийнхөө дугаар луу залгахад гэрийнх нь ард талын ой модон дотор дуугарсан байна. Утас нь норж, шавхайд унан навчинд даруулсан байжээ. Утсаа цэцвэрлэсныхээ дараа нээж үзэхэд сармагчингийн зураг бичлэгээр зургийн цомог нь дүүрсэн байв.

Оюутан утсаа дэргэдээ тавиад унтсаны дараа сармагчин дүүгийнх нь унталгын өрөөний цонхоор орж ирэн сониучирхан авсан байж магадгүй гэж таамаглажээ. Гэвч олон зууны турш сармагчин хүнтэй ойр амьдарч ирсэн ч байшинд нэвтрэн эд зүйл хулгайлах тохиолдол бараг гардаггүй байна.

Эх сурвалж: ВВС

---