БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И Монгол Улсад албан ёсны айлчлал хийж байна

Түүний айлчлалыг угтан Улаанбаатар хотын төв талбайд ӨвөрМонголын иргэдтэй хамтарсан жагсаал цуглааныг хэсэг иргэд зохион байгуулж, босоо монгол бичгээ хамгаалж үлдэхийг уриалж байгаа билээ. 

Ойрын өдрүүдэд БНХАУ-ын Өвөрмонголын Өөртөө Засах Орны дунд сургуулиудад хичээлийг монгол хэлээр бус хятад хэлээр зааж эхэлснийг эсэргүүцсэн тэмцэл дэлхийн анхаарлын төвд байна. Тодруулбал, шинэ журмын дагуу Өвөрмонгол хүүхдүүдэд заадаг гол гурван хичээлийг Хятадын албан ёсны хэл болох мандаринаар заахаар болсныг БНХАУ-ын хойд нутгийн Өвөрмонголчууд эсэргүүцэн жагссан юм.

Энэ сэдвээр манай гадаад мэдээний тоймч Г.Ганчимэг "Дэлхий Монголд" нэвтрүүлгийг бэлтгэлээ.

Энэ удаагийн ээлжит зочноор Ерөнхийлөгчийн дэргэдэх Төрийн хэлний үндэсний зөвлөлийн гишүүн, МУИС-ийн багш Ч.Баттулга уригдан дээрх сэдвээр өөрийн байр суурийг илэрхийллээ. 

---