Баянгол дүүргийн “Түрээсийн орон сууц” хөтөлбөрийн бүртгэл энэ сарын 15-нд эхэлнэ. Уг хөтөлбөрийг Нийслэлийн Баянгол дүүргийн ЗДТГ-аас санаачлан хэрэгжүүлж буй аж. 

Хөтөлбөр 2019-2024 онд хэрэгжих бөгөөд энэ хүрээнд  1000 айлын орон сууц тус дүүргийн 20 дугаар хорооны нутаг дэвсгэрт баригдана. Үүнээс энэ онд эхний 100 айлын орон сууцыг ашиглалтад оруулна. 

Тус хөтөлбөрт Баянгол дүүрэгт оршин суудаг:

• “Ахмад настан” буюу дүүргийн нийт хүн амын 9,5 хувь,
• “Хөгжлийн бэрхшээлтэй иргэн” буюу нийт 4000 хүн, 
• “Өрх толгойлсон эцэг, эх” буюу нийт 1600 гаруй өрх,
• “Залуу гэр бүл” буюу дүүргийн нийт хүн амын 32,3 хувь нь хамрагдах боломжтой

Энэхүү хөтөлбөр хэрэгжсэнээр нийгмийн зорилтот бүлгийн иргэдийг тав тухтай орон сууцаар хангах, амьдралын орчныг сайжруулах зэрэг олон талын ач холбогдолтой аж.

Бүртгэл 2020 оны есдүгээр сарын 15-30-ны өдрүүдэд үргэлжилэх бөгөөд “Түрээсийн орон сууц” хөтөлбөрт хамрагдах хүсэлтэй Баянгол дүүргийн иргэн та дараах сувгаар  дэлгэрэнгүй мэдээллийг авах боломжтой.

ВЭБ: www.bgd.mn

Фэйсбүүк: @ТҮРЭЭСИЙН ОРОН СУУЦ ХӨТӨЛБӨР page,

Твиттер: @БАЯНГОЛ ДҮҮРЭГ OFFICIAL

Харилцах утас: 18001222, 11-365574

---