Нийслэл 2020 онд нэг их наяд төгрөгийн төсөв баталсан ч өнөөдрийн байдлаар 200 тэрбумаар тасраад байгаа ажээ. Гэвч "Аз жаргалтай хот"-ын индекс тодорхойлох нэрээр жил бүр тэрбум төгрөг, нийслэлийн удирдлагуудын аютомашины шатахууны зардалд жил бүр 450-500 сая төгрөг гэх мэтээр маш үрлэгэн зардлуудыг төсөвлөсөөр байна. Энэ талаар НИТХ дахь сөрөг хүчний төлөөлөгч Т.Батцогтын ярьсныг хүргэж байна. 

НИТХ-ын төлөөлөгч Т.Батцогт:

2020 оны төсөв...Сүүлийн 6 жилийн төсөвт “Зүүн хойд Азийн бизнес, соёл, санхүүгийн төв болгох арга хэмжээний санхүүгийн зардал”-д жилд 3 тэрбум төгрөг баталж байна. Юу хийж байгаа нь мэдэгдэхгүй, сүүлийн 4 жилийн хугацаанд 12 тэрбум төгрөгийг зөвхөн ийм арга хэмжээнд зарцуулахаар төсвөө батлаад, үрээд дуусгасан байна.

Жил болгон “Аз жаргалтай хот”... 2016 онд МАН “Улаанбаатар хотыг Аз жаргалтай хот болгоно” гэдэг мөрийн хөтөлбөр дэвшүүлж сонгуульд ялсан. Дөрвөн жилийн хугацаанд “Аз жаргалтай хот”-ын индексийг тодорхойлж байна гээд нэг тэрбум төгрөг тавьдаг. Сүүлийн 4 жилийн хугацаанд 4 тэрбум төгрөг тавьчихсан явж байна. Энэ мэтчилэн маш олон тэвчиж болох, хэмнэж болох зардлууд байгаа юм.

Дээрээс нь сүүлийн үед дарга нарын тансаглал хэрээс хэтэрлээ. Эдийн засгийн хүнд нөхцөл байдалтай байна гэж улс даяараа яриад байгаа юм. Гэтэл эсэргээрээ шинээр бий болсон бүтэц, орон тоог нэмж байна. Шинэ тавилга, эд хогшлыг нэмэгдүүлж байна.

Зөвхөн дарга нарт зориулсан нийслэлийн төсөв байна.

2016-2020 онд хоёрхон нийслэлийн харьяа байгууллага буюу НЗДТГ, НИТХ дарга нарт зориулсан автомашины бензиний зардалд жилд 450-500 сая төгрөг зарцуулж байна. Сүүлийн 4 жилийн хугацаанд дарга нарт зориулсан бензиний зардал тэрбум 800 сая болчихсон байна.

Энэ арай хэтэрсэн асуудал... Энэ асуудлуудыг өнөөдөр Нийслэл дэх АН-ын бүлэг тооцоо судалгаатайгаар та бүхэнд танилцуулж байгаа юм.

Мэдээж жил болгон төсөв батлагддаг. Батлагдаж байгаа төсөв болгон дээр  энэ зардлуудыг танаачээ, хасаачээ гэдэг саналыг тавьдаг. Харамсалтай нь МАН олонхиороо хүч түрэн энэ зардлуудыг, үргүй зардлуудыг баталж өнөөдрийн эдийн засгийн, нийгмийн хүнд байдалд оруулсан байна.

---