Нарны зайн онгоц буюу нарны зай хураагуураар цэнэглэгддэг цахилгаан хөдөлгүүрт нисэх онгоцыг сансарт гаргахаар ажиллаж байгаа Швейцарын баг ийм төрлийн цахилгаан онгоцноос анхны үсрэлт болон чөлөөт уналтыг хийжээ.

"SolarStratos" багийнхны хэлснээр тэдний туршилтын онгоц Швейцарын баруун хэсэгт байрлах нисэх онгоцны буудлаас өнгөрөгч мягмар гарагт хоёр хүний бүрэлдэхүүнтэй хөөрсөн бөгөөд онгоц 1520 метрт авирах үед үүсгэн байгуулагч Рафаэль Домжан онгоцноос үсэрсэн байна. Тэрээр шүхрээ суллаж, аюулгүй газардахаасаа өмнө хэдэн зуун метрийн турш чөлөөт уналтын байдалтай байсан ба түүний дээд хурд нь 150 км/цагт хүрсэн гэнэ.

Домжан энэхүү үйлдлээрээ дэлхийн дулаараалд нөлөөлж буй хүлэмжийн хийг ялгаруулахгүйгээр "skydiving" буюу өндрөөс шүхрээр үсрэх боломжтой гэдгийг харуулахыг зорьсон гэж хэлсэн байна. Керосин түлшээр ажилладаг онгоцноос ялгардаг хий нь хүний үйлдлээс болж ялгардаг нийт нүүрстөрөгчийн хоёр хувийг эзэлдэг аж.

Тэрээр энэ талаар "Манай гариг болон уур амьсгалд илүү хор хөнөөлгүй нисэх онгоцны ачаар маргаашийн залуус улам ихийг мөрөөдөх болно гэж найдаж байна" гэсэн юм.

Эх сурвалж: Associated Press

---