ХӨСҮТ-ийн Тандалт судалгааны албаны дарга А.Амбасэлмаагийн мэдээллийг хүргэж байна.

Тэрбээр " ХӨСҮТ-д одоогоор коронавирусийн халдвартай 28 хүн эмчлэгдэж буй бөгөөд тусгаарлалт, ажиглалт, эмчилгээнд нийт 40 хүн байгаа юм.

Бид өмнө нь ХӨСҮТ-ийн эрчимт эмчилгээний тасагт элэгний хатууралтай, элэг бөөрний хам дутагдалтай хүн эмчлэгдэж байгаа тухай мэдээлж байсан.

Энэ иргэн 2020 оны наймдугаар сарын 12-ны өдрийн 02:00 цагт нас барсан харамсалтай явдал боллоо. Тухайн иргэн наймдугаар сарын 1-нд Сөүл-Улаанбаатарын онгоцоор биеийн байдал нь маш хүнд ирж, ХӨСҮТ-ийн клиникт 11 хоног эмчлэгдэж байгаад амиа алдлаа.

Энэ хүн коронавируст халдвараар бус элэгний хатуурал, элэг бөөрний хам шинж хавсарсан тохиолдлын улмаас нас барлаа. Дөрвөн удаагийн шинжилгээгээр коронавирус илрээгүй” гэв.

---