Эрүүл мэндийн яамны /2020-08-10/11 цагийн ээлжит хэвлэлийн бага хурал боллоо. Монгол улсад коронавирусийн 293 тохиолдол бүртгэгдээд байгаа билээ.

ХӨСҮТ-ийн Тандалт, судалгааны албаны дарга А.Амбасэлмаа "ХӨСҮТ, Дархан-Уул аймгийн салбар лабораториудад наймдугаар сарын 9-нд нийтдээ 621 хүнд коронавирусийн шинжилгээ хийхэд бүх сорьц “Сөрөг” гарч коронавирус илрээгүй. Үүнд

• Наймдугаар сарын 9-нд УБ-Франкфурт чиглэлийн онгоцоор ирсэн 260 хүний шинжилгээ
• Дархан-Уул аймагт Алтанбулаг боомтоор орж ирж, тусгаарлагдсан 36 хүний шинжилгээ,
• Алтанбулагийн боомтоор орж ирсэн ачаа тээврийн 16 хүний шинжилгээ,
• Долдугаар сарын 21-нд Токио-Улаанбаатарын онгоцоор ирсэн 262 хүний давтан шинжилгээ,
• Тусгаарлах байранд байгаа таван хүний давтан шинжилгээ
• Цэргийн төв эмнэлэгт байгаа 11 хүний давтан шинжилгээнд тус тус коронавирус илрээгүй байна.

Ингээд Монгол улсад батлагдсан тохиолдол 293, эдгэрсэн 263, эмчлэгдэж буй 30 иргэн байна. Эдгэрээд гарсан иргэдийн 47 нь сувилалд, 23 нь гэрийн ажиглалтад, 193 хүний ажиглалт, тандалтын хугацаа дууссан байна. Мөн ХӨСҮТ-д тусгаарлалтад байгаа нэг хүний биеийн байдал хүнд эрчимт эмчилгээний тасагт эмчлэгдэж байна” гэв.

---