Монгол Улсын Засгийн газар, Улсын онцгой комиссын шийдвэрээр хилийн чанадаас иргэдээ татан авах тусгай үүргийн нислэг үргэлжилсээр байна.

Сөүл-Улаанбаатар чиглэлийн  тусгай үүргийн онгоц өчигдөр 19:56 цагт “Буянт-Ухаа” олон улсын нисэх буудалд газарджээ.

Тус транзит нислэгээр зургаан улсаас 165 иргэн ирж байгаа бөгөөд

• Индонез-10,
• Тайланд-22,
• Тайпэй-53,
• Сингапур-24,
• Малайз-10,
• АНУ-аас 46 иргэн эх орондоо ирлээ.

Иргэдийг ХӨСҮТ, Цэргийн төв эмнэлэг болон “Тайж”, “Вензоу”, “Кемпински” зочид буудалд тусгаарлах юм гэж Улсын онцгой комиссын Шуурхай штабаас мэдээллээ.

---