Үндэсний сурын харвааны шилдгүүд тодорлоо. Өнөө жил нийт 540 харваач цэц мэргэнээ сорьсноос эмэгтэй 144, эрэгтэй 396 харваач цэц мэргэнээ сорилоо. Ингээд нийлбэр дүнгээр Завхан аймгийн Эрдэнэхайрхан сумын хаярьяат Улсын мэргэн Д.Дэмбэрэлсайхан түрүүлж даян мэргэн болжээ. 

Монгол Улсын мэргэн Дэмбэрэлсайхан 40 сумнаас 38 онож Даян мэргэний болзол хангасан бол хоёрдугаар байранд спортын мастер аймгийн мэргэн Д.Баттулга 36 оноо авч Монгол Улсын гарамгай мэргэн цолны болзол хангалаа. Харин гуравдугаар байранд аймгийн мэргэн, спортын мастер П.Явуухулан 36 оноогоор Гоц мэргэний болзол хангалаа.

Эмэгтэй харваачдаас Сүхбаатар аймгийн Баяндэлгэр сумын уугуул аймгийн мэргэн, спортын мастер Л.Одсайхан 34 оноо харваж Монгол Улсын мэргэний болзол хангалаа.

Хоёрдугаар байранд Монгол Улсын Даян мэргэн, Завхан аймгийн Түдэвтэй сумын уугуул Д.Эрдэнэтуяа 34 оноо авсан байна. Гуравдугаарт Дорнод аймгийн Хөлөнбуйр сумын уугуул Монгол Улсын гарамгай харваач Ч.Гандаваа шалгарлаа.

---