ОХУ-ын 18 настай саятан Настя Тропицель мотоциклийн ослын улмаас нас баржээ. Түүнийг мотоциклоороо цагт 80-100 км хурдалж байхад нь мотоциклийнх нь урд дугуй чичирч эхэлсэн байна. Энэ үед охин тэнцвэрээ алдан, баруун тийш эргэж, саад тотгор руу онхолдсон аж.

Настя бие даан ажил хийх, интернэтэд мөнгө олох болон хувийн хөгжлийн талаар блог хөтөлдөг байсан бөгөөд 15 настай байхдаа анх саятан болж байжээ.

Эмгэнэлт явдал болохоос нэг хоногийн өмнө Настя өөрийн “Telegram” хуудаснаа аавтайгаа маргалдсан талаараа бичсэн байна. Тэрээр аав нь түүнд “Хэрэв сайн сайхан амьдрахыг хүсэж байвал тогтвортой суугаад, ажиллах хэрэгтэй. Чиний мотоциклчин найз залуу чинь чамайг доош татаж байна” гэж хэлснийг тэмдэглэн, уншигчдаасаа дэмжлэг хүссэн байв.

“Тэр үргэлж хэнээс ч илүү аюулгүй байдлаа хангаж, болгоомжтой явдаг байсан. Настяд буруу байхгүй, тэр хурд хэтрүүлээгүй” хэмээн түүний найз залуу Виктор өөрийн Инстаграм хуудаснаа бичжээ.

Эх сурвалж: Рамблер

---