Холливүүдийн алдарт жүжигчин Анжелина Жоли, Брэд Питтээс салсан шалтгаанаа анх удаа дэлгэлээ.

“Vogue India”-д өгсөн ярилцлагадаа тэрээр хосын 2016 оны салалтын талаар ярин, гэрлээд хоёр жил болсныхоо дараа салах шийдвэр гаргасан нь зургаан хүүхдийнхээ сайн сайхны төлөө байсан гэжээ.

Жоли “Би гэр бүлийнхээ сайн сайхны төлөө салсан. Энэ бол зөв шийдвэр байсан. Би тэдний эдгэрэлтэд онцгойлон анхаарсаар байгаа” гэсэн байна. Түүнчлэн тэрээр Брэд Питт болон түүний харилцааг тойрсон таамаглал хүүхдүүд нь нөлөөлж байсныг дурдан, салалтынхаа дараа яагаад нам гүм байснаа тайлбарлажээ.

Үүний талаар жүжигчин “Зарим хүмүүс миний нам гүм байдлыг ашигласан. Үүний улмаас хүүхдүүд маань хэвлэл мэдээллийн хэрэгслээр өөрсдийнхөө талаар худал хуурмаг зүйлсийг харж байсан хэдий ч би тэдэнд юу үнэн болохыг өөрсдөө мэднэ гэдгийг нь сануулдаг. Үнэнийг хэлэхэд тэд бол маш зоригтой, маш хүчтэй зургаан хүүхэд” гэв.

Эх сурвалж: Yahoo

---