ЦЕГ-ын Бүртгэл хяналтын төв нь Цагдаагийн ерөнхий газрын даргын 2014 оны 02 дугаар сарын 12-ны өдрийн 11 дүгээр тушаалаар “Лицензийн төв” нэртэйгээр байгуулагдсан юм. Энэ үеэс Баянзүрх дүүргийн хоёрдугаар хороо, Доржийн гудамж “Иргэн таны төлөө төв” буюу Цагдаагийн ерөнхий газрын "Сүлд" чуулгын байранд үйл ажиллагаагаа явуулж эхэлсэн. Одоо Бүртгэл Хяналтын төв нэртэйгээрээ үйл ажиллагаагаа явуулж байна.

 Тэгвэл энэ оны зургадугаар сарын 1-нээс иргэдийн нэрлэж заншсанаар хүнсний 50 дугаар дэлгүүрийн арын байр буюу Сүхбаатар дүүргийн дөрөвдүгээр хороо, Хичээнгүй сайд Б.Цэрэндоржийн гудамжинд байрлан нүүж, ажиллаж байна. 

Тус төв нь Монгол Улсын болон цагдаагийн байгууллагын хэмжээнд “Жолоочийн бүртгэл, мэдээллийн /TPS/ сан”, “Галт зэвсгийн бүртгэлийн нэгдсэн сан”, “Гэрээт харуул хамгаалалтын байгууллагын бүртгэлийн нэгдсэн /SAS security agency services/ сан”, “Тэсэрч дэлбэрэх бодис, тэсэлгээний хэрэгслийн бүртгэл, мэдээллийн нэгдсэн сан”, “Тусгай дуут болон гэрэл дохио хэрэглэх зөвшөөрөлтэй тээврийн хэрэгслийн мэдээллийн сан”, “Цахим архивын сан” зэрэг 6 төрлийн бүртгэл, мэдээллийн нэгдсэн санг хөтлөн явуулдаг.

Иргэд та бүхэн Бүртгэл хяналтын төвөөр үйлчлүүлэхдээ энэ хаягийн дагуу очиж үйлчилүүлнэ үү? 

Харилцах утасны дугаар: 70191515

---