Нийслэлийн Баянзүрх дүүргийн 11 дүгээр хороо,  Баянзүрхийн гүүрийн дэргэд “Туул” голд энэ сарын 5-нд 22 настай Ш живсэн гэх дуудлага иржээ. 

Нийслэлийн Аврах ангийн алба хаагчид 15 км замыг туулан Баянзүрх дүүргийн 12 дугаар хорооны харьяат иргэн Ш /22 настай, эрэгтэй/-ын цогцсыг “Туул” голоос гаргаж тус дүүргийн Цагдаагийн 3 дугаар хэлтсийн Мөрдөн байцаах тасгийн дарга, цагдаагийн хошууч С.Ууганбаяр ахалсан бүрэлдэхүүнд шилжүүлэн өгсөн байна. 

Түүнчлэн энэ сарын 1-нд 41 настай эрэгтэй Баянзүрхийн гүүрийн дэргэд “Туул” голд живсэн ажээ. Иймд ард, иргэд гол усанд орохгүй байхыг зөвлөж байна. 

 

---