Улсын дээд шүүхийн Ерөнхий шүүгч Хөхийсүрэнгийн Батсүрэн өөрийн хүсэлтээр чөлөөлөгдөх хүсэлтээ гаргасан тул Монгол Улсын Ерөнхийлөгч Х.Баттулга уржигдар зарлиг гаргаж албан тушаалаас нь чөлөөлсөн билээ.

Иймд Улсын Дээд шүүхийн шүүгчдийн зөвлөгөөн 2020 оны 5 дугаар сарын 22-ны өдөр болж, шүүгчдийн олонхийн санал авсан Д.Ганзоригийг Улсын Дээд шүүхийн Ерөнхий шүүгчээр томилуулахаар Монгол Улсын Ерөнхийлөгчид өргөн мэдүүлэхээр тогтлоо.

---