СПОРТ
ХӨГЖИМ
™ watch

Голомт банк Монгол Улсын ТОП-100 аж ахуй нэгжээр 17 дахь жилдээ өргөмжлөгдлөө

Нийтэлсэн
3 жилийн өмнө


Сурталчилгаа
Нийтэлсэн:   Admin
3 жилийн өмнө

Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран.

Голомт банк нь 2019 оны байдлаар нийт 2819 хүнийг ажлын байраар хангасан “Хамгийн их ажлын байрыг бий болгосон аж ахуй нэгж”, улсын төсөвт 103 тэрбум төгрөгийн татварыг төвлөрүүлснээр “Шилдэг татвар төлөгч”, мөн нийт 8.6 тэрбум төгрөгийн нийгмийн даатгалыг төвлөрүүлсэн “Хамгийн их нийгмийн даатгал төлсөн” байгууллагаар шалгарсан зэрэг нь ийнхүү Монгол Улсын ТОП аж ахуйн нэгжээр өргөмжлөгдөх үзүүлэлт болжээ. Голомт банк нийт шилдгээр шалгарсан 100 аж ахуйн нэгжээс борлуулалтын орлогын эрэмбээр 10 дугаарт, татварын орлогын эрэмбээр 15 дугаарт, даатгуулагчийн тооны эрэмбээр 7 дугаар байрт тус тус эрэмбэлэгдсэнээр нийт дүнгээр ТОП-100 аж ахуйн нэгжийн 7 дугаарт жагсан өнгөрсөн жилээс 2 байраар урагшилж, амжилтаа ахиулжээ.

Голомт банк нь байгуулагдсан цагаасаа эхлэн Монголын банк санхүүгийн хөгжилд хурд нэмсэн анхдагч олон алхмыг хийж ирсэн бөгөөд анхны олон улсын төлбөрийн картын систем, интернэт банк, 24 цагийн банкны үйлчилгээ, мөнгөн гуйвуулгын Western union, явдаг АТМ, ухаалаг утсанд суурилсан банкны аппликейшн болох Смарт банкны үйлчилгээ зэрэг анхны гэсэн тодотголтой дэвшилтэт шинэлэг үйлчилгээг нэвтрүүлсээр ирсэн билээ. Түүнчлэн “Шинэчлэгдсэн Дижитал банк 5.0”-ийг харилцагчдадаа хүргэснээр хиймэл оюун ухаанд суурилсан технологийн дэвшлийг танилцуулж, санхүүгийн хувийн туслах үйлчилгээг хүргэж эхэлсэн зэрэг харилцагчид руугаа хандсан, банкны үйлчилгээг дараагийн түвшинд гаргасан шинэлэг үйлчилгээнүүдийг санал болгосоор байгаа билээ.

Энэ бүх амжилт, ололт бүрийн тулгуур багана нь болсон эрхэм харилцагч та бүхнийг итгэл хүлээлгэн хамтран ажилладагт гүнээ талархаж буйгаа илэрхийлье.

Голомт банк

Сурталчилгаа

Манай хуудсыг дагаарай!


© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.