Австрали улсаас маш ховор тохиолддог шүдгүй үлэг гүрвэлийн үлдвэрийг малтаж судалжээ. Ойролцоогоор 110 сая жилийн өмнө амьдарч байсан элафрозаурыг жижиг хөлтэй үлэг гүрвэл хэмээн нэрлэдэг байна.

Уг үлэг гүрвэлийг Тираннозавр Рекс болон Велокирапторын бүлэгт хамааруулдаг ажээ. Австралиас олдсон үлдвэр нь таван см урттай нугалмын яс ажээ. 2015 онд Викториа мужийн Кэйп Отвэйгийн ойролцоо малтлага хийх үеэр анх илрүүлсэн байна.

Тус улсын нутаг дэвсгэрээс урьд өмнө элафрозаурын үлдвэр огт олдож байгаагүй тул судалгааны үнэт олдвороор нэрлэжээ. Мэлбурн музейн жил бүр явуулдаг малтлагын үеэр сайн дурын ажилтан Жессика Паркер үүний олсон байна.

Тухайн үед ховор төрлийн шүдгүй үлэг гүрвэлийн яс гэж таниагүй ч Свинбөрн их сургуулийн палеонтологичид судалж жинхэнэ эх сурвалжийг таньжээ. Элафрозаурууд урт хүзүүтэй, урд хоёр хөл нь маш жижиг, хойд хоёр хөл нь хөгжил сайтай, хөнгөн биетэй байсан гэж үздэг.

Олдвор хоёр метр урт амьтных байсан гэж таамагласан ба ийм төрлийн үлэг гүрвэлийн яс өмнө нь Танзани, Хятад, Аргентин улсуудаас олдож байсан нь зургаан метр орчим өндөр амьтных байсан гэж үзжээ. Тиймээс Австралиас олдсон яс арай залуу үлэг гүрвэлийнх байж магадгүй ажээ.

Эх сурвалж: ВВС

---