Нийслэлийн хэмжээнд 540 гаруй хувийн цэцэрлэгт 5-6 мянган багш ажилладаг. Коронавирусийн халдварын улмаас нэгдүгээр сарын 27-ноос үйл ажиллагаагаа түр зогсоогоод байгаа билээ. 

БСШУСЯ-наас хувийн цэцэрлэгүүдийн хувьсах зардлыг энэ дөрөвдүгээр сар хүртэл олгож байсан ч Сангийн сайдын тушаалаар тавдугаар сараас хувьсах зардлыг танажээ.

Энэ нь Сангийн сайд нийт 200 тэрбум төгрөгийн эх үүсвэрийг босгож, тэтгэвэр тэтгэмжийг нэмэгдүүлэх болсонтой шууд холбоотой гэж тэд үзэж байна. Тэдний хувьд улсаас олгодог хувьсах зардлаар багш нарын 60 хувь нь  цалингаа авахаас гадна байрны түрээс, халуун, хүйтэн усны мөнгөө төлдөг байсан. Хувьсах зардлыг хассанаар хувийн цэцэрлэгийн 5-6 мянган багш цалингаа авч чадахгүй байдалд хүрээд байгаа гэв.

Тэдний энэхүү тэмцэл бодит үр дүнд хүрч, БСШУСЯ болон Сангийн яамны холбогдох албан тушаалтнууд тэдний төлөөллийг хүлээн авч уулзахаар тогтов.

---