Канадын нисэх хүчний уран үзүүлбэрийн багийн онгоц үзүүлбэх тоглолтын үеэр иргэдийн оршин суудаг бүс нутагт осолдож нисгэгч нас барсан байна. Онгоц айлын байшингийн хажууд унасан ослын үеэр нислэгийн багийн өөр нэг гишүүн хүндээр бэртэж гэмтжээ. Осол Бритиш Колумбиагийн Камлупс хотод болжээ.

Снөүбөрдс багийн нисэх онгоцууд Ковид-19 цар тахлын тархалттай тэмцэхийг уриалан үзүүлбэх тоглолт үзүүлэх гэж байжээ. Гэвч ням гарагийн өглөө үзүүлбэр эхлээд удалгүй нэг нь унасан байна. Бичлэгээс харахад нисгэгч онгоцноос өөрийгөө шидэж амиа аврах боломжтой байжээ. Канадын нисэх хүчнээс нисгэгчээ алдаж хүнд гарз тохиосонд гүн эмгэнэл илэрхийлжээ.

Багийн хоёр онгоц өндрөө авах үед онгоц шатаж эхэлсэн байна. Онгоц байшингийн урдах цэцэрлэгт хүрээлэнд унаж оршин суугчид байшингаас гарч, галыг унтраахыг оролджээ. Камлупс нь Ванкуврээс 320 орчим км-т байдаг 90,000 оршин суугчтай хот юм.

Өнгөрсөн аравдугаар сард Снөүбөрдс багийн нисэх онгоц агаарын үзүүлэх тоглолтын өмнө АНУ-ын Атланта хотын ойролцоо хүн оршин суудаггүй бүсэд осолдсон ба азаар нисгэгч нь өөрийгөө шидэж амиа аварч чаджээ.

Эх сурвалж: ВВС

---